Presidenti i Shteteve të Bashkuara të Amerikës, Joe Biden tha se nën administrimin e tij, SHBA dhe Kina do të hyjnë në “konkurrencë ekstreme”.

Demokrati Biden u shpreh se ai nuk dëshiron të ndërtojë marrëdhënie të reja të bazuara në konflikt.

Biden pohoi se ai nuk kishte biseduar me Presidentin kinez, Xi Jinping që nga inaugurimi i tij më 20 janar, por kujtoi se ai dhe udhëheqësi kinez ishin takuar disa herë, kur të dy ishin nënkryetarë të vendeve të tyre.

“Unë e njoh atë mirë,” i tha Biden rrjetit CBS, duke shtuar se kur të flasin, ata do të kenë shumë tema për të folur, raporton AP.

Që nga marrja e detyrës, Biden ka biseduar me udhëheqësit e Kanadasë, Meksikës, Britanisë së Madhe, Francës, Gjermanisë, Japonisë, Koreve të Jugut, Australisë dhe Sekretarit të Përgjithshëm të NATO-s.

Gjithashtu ai kishte një takim pune me presidentin rus, Vladimir Putin.